Azär Häsrät
Azär Häsrät, azer@azerhasret.com
Ötän il Almaniyada keçirilän "Avroviziya” mahnı yarışmasında Azärbaycanlı cütlüyün qalib gälmäsindän sonra yaşanan häyäcanlar heç yaddan çıxası deyil. Yadımdadır, ölkämizin xalqı iqtidarlı-müxalifätli bir olaraq bu qäläbädän duyduğu sevinci bütün dünya ilä paylaşmaq üçün älindän gäläni edirdi. Düzdür, az sayda da olsa bäzi şäxslär vardı ki, bir qädär färqli vä tärs mövqe tutmuşdular. Ancaq onların sayı o qädär az, säsläri o qädär zäif idi ki, hämin vurhavurda kimsäyä özlärini duyura bilmädilär.
İndi dä "Avroviziya” ehtirasları coşmaqdadır. Artıq hämin möhtäşäm yarışmanın Bakıda tarix olmasına iki aydan da az vaxt qalır. Täbii ki, zaman daraldıqca Azärbaycanın düşmänläri ällärindän gäläni edir ki, bu olacağı geri çevirsinlär. Häm dä bu iş üçün siyasi şüarlarla çıxış etmäkdädirlär. Lakin görünän vä anlaşılan odur ki, "Avroviziya” yönätimi dä, Azärbaycanda bu işä sorumlu olanlar da ällärindän gäläni edir ki, yarışma siyasi çalarlardan arınsın vä sırf musiqi yarışması kimi tarixi missiyasını yerinä yetirsin.
Biz dä bu yarışmanın siyasi iddialara alät edilmäsinin täräfdarı deyilik. Biz dä anlayırıq ki, Azärbaycanda insan haqları, demokratiya, söz vä mätbuat azadlığı mäsälälärindä, bäzän dä ciddi sayıla biläcäk problemlär var. Biz dä hämin problemlärin än yüksäk säviyyädä birdäfälik hällini arzu edirik vä bunun üçün säsimizi onların hällinä çalışanların säsinä qatmaqdan heç vaxt çäkinmädik. Bununla belä, säsini Azärbaycanda keçiriläcäk "Avroviziya” mahnı yarışmasını uydurma iddialara söykänäräk boykot yolu tutmuş ermänilärin säsinä qatanlarla bir säfdä yer tuta bilmäyäcäyimizi dä bäyan etmäk istärdik.
Ermänilär iddia edir ki, Azärbaycana gälib bu yarışmada iştirak etmäk onların häyatı üçün tählükälidir. Bizsä anlayırıq ki, bir vaxtlar İrävanda keçirilän bir idman yarışında Azärbaycanlı yarışmaçının çempion adı qazanaraq bayrağımızı yüksältmäsi qarşılığında Azärbaycanda keçirilän idman yarışlarında ermänilärin bunu edä bilmäyäräk räzil duruma düşmäsi hälä dä onları rahatsız etmäkdädir ki, bir daha ölkämizdä keçirilän heç bir yarışmaya qatılmaq istämirlär. Yäni can güvänliyi mäsäläsi bähanädir. Onların sindirä bilmädiyi şey bu qädär mötäbär bir tädbirin Azärbaycanda keçirilmäsidir.
Ermänilärin bu yanaşması adamda sadäcä ikrah hissi doğurmaqdan başqa bir işä yaramadığı üçün üzärindän keçmäk dä olar. Ancaq Azärbaycanlı olub, sırf iqtidara müxalif olduqları üçün bu yarışmanın baş tutmaması üçün çalışanların üzärindän elä-belä keçmäk olmaz. Yuxarıda da qeyd etdik ki, ölkädä bir çox hälli vacib problemlär var. İndi nä edäk, özümüzü hämin problemlärin hälli naminä dünyadan täcridmi edäk? Biz demirik ki, problemlär yoxdur, yaxud onların aradan qaldırılması vacib deyil. Biz deyirik ki, hämin problemlärin varlığı birilärinin Azärbaycana (mähz Azärbaycana, sadäcä hakimiyyät başında olanlara deyil!) çox böyük fayda gätiräcäk bu yarışmanı ängällämä çabalarına haqq qazandırmır!
Azärbaycanda insan haqları problemlärini bähanä edäräk "Avroviziya” mahnı yarışmasını boykota çağıranların mäntiqi Azärbaycan hakimiyyätinin bäzi yüksäk rütbäli mämurlarının Ermänistanın torpaqlarımızı işğal altında tutması üzündän insan haqları problemlärini göz ardı etmäsindän heç dä färqli bir şey deyil! Müxalif dostlar, män bir siyasi täräfsiz vä ictimai fäal vätändaş olaraq sizin bu yanaşmanızı iqtidarın qeyd etdiyim yanaşması qädär zärärli hesab ediräm. Gälin, siyasi iddialarımızdan şäxsi mänafe vä özäl iddialarımız naminä istifadä etmäyäk. Siyasät mücadilä başqa, mahnı yarışması kimi siyasätä heç däxli olmayan bir yarışma başqa.
Vä sonda, "Bizä "Avroviziya” lazım deyil!” deyän dostlarımız bir daha düşünsünlär. Düşünsünlär ki, bununla Azärbaycana nä qädär zärär vura bilärlär.
Sözardı: Mövzuya däxli olmasa da qeyd etmäliyik ki, ingiliscä "Eurovision” kimi yazılan bu söz Azärbaycan türkcäsindä "Avroviziya” kimi yazılmalı vä ifadä edilmälidir. "Avrovijn”, "Yevrovijn” "Yurovijn” kimi deyimlär Azärbaycanın dil qaydalarına tärs düşmäklä ciddi yanlışlıq örnäyidir. Bu tip sözlär üçün qullandığımız qälib mähz "Avroviziya” formasının doğru olduğunu isbatlamaqdadır. "Television” – "Televiziya” örnäyindä olduğu kimi.
